Ditën e djeshme është luajtur ndeshja e vlefshme për Kategorinë e Dytë mes Tomorit dhe Devollit. Takimi i vlefshëm për Grupin B është zhvilluar në stadiumin e Bilishtit, Bashkia Devoll dhe është mbyllur me fitoren e vendasve 2-1 përballë kryesuesve të grupit të jugut.
Pas realizimit të golit të parë të bilishtarëve kanë vërshyer ofendime në drejtim të beratasve. Në atë moment ka ndodhur një veprim i rrallë në fushat shqiptare. Lojtari i klubit beratas, Xhoel Vrapi nuk është përmbajtur dhe u është drejtuar tifozëve të Devollit duke ulur të mbathurat, një veprim ky që ka sjellë jashtëzakonisht tension, siç shihet edhe në videon e siguruar nga JOQ.
Futbollisti që kreu veprimin e shëmtuar është përjashtuar me të kuq nga loja direkt nga arbitri. Ky vendim ka acaruar më tej ekipin e Tomorit, të cilët kanë vrapuar me gjaknxehtësi drejt kryesorit. Atmosfera është nxehur në stadium duke dal jashtë kontrollit.
Sfida u ndërpre për minuta të tëra derisa “gjakrat” të qetësoheshin. Policia ka zbrazur tribunën kryesore të stadiumit dhe ka izoluar në dhomat e zhveshjes të ndëshkuarit me karton për të parandaluar një sherr të përmasave masive.
Devolli-Tomori
Lexo gjithashtu
