Kategorisë së Dytë i ka ardhur fundit. Në fundjavë ky kampionat do të zhvillojë ndeshjet e fundit, ku 90-të minutat do të vendosin edhe verdiktet e këtij sezoni.
Duele shumë të rëndësishme dhe që vendosin fatet e këtij sezoni do të luhen të shtunë dhe të dielën. Kështu ekipet e grupit A do të zbresin në fushë e betejës ditën e shtunë, ku do të kërkojnë fitoren për të “kopsitur” objektivat e tyre.
Iliria kryeson me 1 pikë më shumë se Luzi do të sfidojë Adriatikun në transsfertë, ndërsa luzitanët nga krahu tjetër do të përballen me me Naftëtarin po në transfertë. Sopoti që i ndjek nga pas shpreson te një hap fals i tyre për të tentuar edhe vendin e parë, teksa do të sfidohet me Basanian po në transfertë. Duelet e tjera të këtij grupi janë Besëlidhja – Gramshi, Veleçiku – Albanët dhe Tërbuni – Murlani.
Të dielën do të luajnë ekipet e grupit B. Luftëtari dhe Oriku bashkëkryesojnë këtë grup me 48 pikë dhe do të sfidojnë përkatësisht Shkumbinin dhe Memaliajn. Ndërkohë takimet e tjera janë Turbina – Delvina, Këlcyra – Devolli dhe Maliqi – Tomnori, ndërsa pushim do të jetë Butrinti, që kështu e ka përfunduar sezonin e tij.
NDESHJET e javës 22:
Grupi A:
BASANIA – SOPOTI
NAFTËTARI – LUZI
BESËLIDHJA – GRAMSHI
VELEÇIKU – ALBANËT
TËRBUNI – MURLANI
ADRIATIKU – ILIRIA
Grupi B:
TURBINA – DELVINA
KËLCYRA – DEVOLLI
MEMALIAJ – ORIKU
LUFTËTARI – SHKUMBINI
MALIQI - TOMORI
Lexo gjithashtu
