Elbasani ka siguruar ngjitjen në Superiore për sezonin e ri, teksa tashmë me Bylisin do të luftojnë për titullin kampion të Kategorisë së Parë. Skuadra e udhëhequr nga Nevil Deda kryesojnë me 3 pikë më shumë se ballshiotët.
Pavarësisht se janë në rrugën e duhur drejt titullit, jo çdo gjë shkon siç duhet. Klubi ka pezulluar pa afat dy mesfushorët e skuadrës. Bëhet fjalë për Ardit Hilën dhe Abaz Karakaçin. Shkak janë bërë vonesat e dy lojtarëve në grumbullimin e skuadrës para sfidës me Flamurtarin.
Drejtuesit menjëherë i dërguan mesfushorët në tribunë, duke mos u preferuar për duelin me vlonjatët. Por jo vetëm kaq, pasi edhe në stërvitjet e ditëve të fundit në kuadër të ndeshjes me Vorën, dy lojtaret vazhdojnë të jenë të pezulluar.
Do të vazhdojnë të mngojnë edhe për këtë sfidë. Mbetet të shihet se kur do të vendosin për kthimin e tyre dhe si do të shkojë sitata me kapitenin dhe zëvendëskapitenin e ekipit.
Lexo gjithashtu
