Trajneri i skuadrës vlonjate të Flamurtarit, Andrea Agostinelli është shprehur pas përfundimit 1-1 të takimit të sotëm përballë Burrelit të Ditmar Bicajt, ish-futbollist. Flamurtari në transfertën në “Liri Ballabani” ka marrë një barazim në vend të fitores dhe kjo tregon se tekniku italian ka hasur probleme me skuadrën burrelase pasi në 2 sfida këtë sezon ka grumbulluar vetëm 1 pikë përballë tyre.
“Morëm një pikë në një fushë të vështirë dhe kjo ka rendësi. Djemtë luftojnë dhe laujnë me zemër. Ata meritonin t’a kishin çuar në rrjetë topin në pjesën e dytë. Jam i kënaqur nga loja e sotme. Ekipi kundërshtar luajti me ashpërsi edhe egërsi. Pavarësisht rezultatit është një nga ndeshjet më të mira sa i takon intensitetit. Më mungonin lojtarët, po ata që hyn bënë punë të mirë.
Vasil Shkurtaj bëri shkëlqyeshëm dhe më gëzon rikthimi i sulmuesit pasi nuk e kemi patur në fillim. Kemi një pikë më shumë në tabelë dhe është e drejtë me aq sa kemi treguar. Në këtë kampionat do të luftojmë shumë ne dhe 2 ekipet e tjera. Shpresoj mos të kemi oshilacione në ndeshjet e tjera.”, u shpreh tekniku italian Agostinelli.
Lexo gjithashtu
