Vora është zyrtarisht në Superiore. Fitorja e sotme në shtëpi përballë Burrelit me rezultatin e pastër 2-0, bëri që skuadra e Vorës të ngjitej në elitën e futbollit shqiptar. Në përfundim të këtij dueli ka folur kapiteni i Vorës, Xhuljo Tabaku.
“Jam pafund i lumtur, kam dy vite këtu. Është djersa dhe sakrifica e dy viteve, nuk kam fjalë më duket e pabesueshme. Çfarë ndryshoi? Ardhja e profesor Bellait na bëri mirë pasi është trajner me eksperiencë në këtë kategori. Por edhe ne si ekip ndoshta kemi kuptuar dhe mësuar nga gabimet e sezonit të shkuar. Bashkëpunimi ishte çelësi i suksesit këtë vit.
Kontrata me Vorën? Nuk e kam menduar të them të drejtën. Unë e di që më mbaron kontrata, por është në dorë të presidentit. Unë kam dhënë fjalën që do ngjis ekipin në Superiore, por përdërisa më është besuar shiriti i kapitenit, do jap maksimumin për Vorën edhe në Superligë”, është shprehur Xhuljo Tabaku.
Lexo gjithashtu
