Një nga duelet më interesante të javës së 18-të të Kategorisë së Parë do të jetë përballja mes Pogradecit e Besës. Sfidë kjo që është porgramuar të zhvillohet ditën e nesërme në orën 13:30 në stadiumin “Pogradeci”.
Liqenorët do të luajnë në shtëpi dhe synojnë ta nisin vitin 2026 me këmbën e mbarë dhe me 3 pikët. Fitorja për ekipin e Emiliano Çelës është mëse e dëshiruar, të cilët synojnë vendin e dytë në klasifikim, duke kryeqëzuar gishtat edhe për një hap fals të Laçit.
Siç dihet diferenca me vendin e dytë ëhstë vetëm 1 pikë dhe kjo bën që në Pogradec të luftojnë me “mish e me shpirt” për fitoren, teksa për të arritur te 3 pikët do të luajnë “all-in” ndaj kavajasve.
Pikërisht për këtë përballje, klubi kërkon edhe mbështetjen e tifozëve. Nëpërmjet një postimi në rrjetet sociale i fton mbështetësit të ndjekin LIVE dhe të përjetojnë nga afër emocionet e kësaj sfide.
“Ju mirëpresim, ditën e shtunë në orën 13:30 në stadium për të përjetuar live emocionet e ndeshjes me Besën. Liqenorët janë duke vazhduar seancat stërvitore nën drejtimin e trajnerit Çela”, ka shkruar Pogradeci.
View this post on Instagram
Lexo gjithashtu
