Kategoria e Parë ka mbyllur javën e 13-të, ku rezultate surprizë janë marrë nga ekipet. Bylisi nuk ka ndërmend të ndalet. Ballshiotët kanë marrë një tjetër fitore të rëndësishme ndaj Flamurtarit dhe thellojnë diferencën me vendin e dytë që mbahet nga Elbasani. Skuadra e Nevil Dedes ka 6 pikë më pak, teksa u ndal në barazim nga Vora. Me 1 pikë më pak ndjek Apolonia, me fierakët që barazuan gjithashtu ndaj Korabit. Flamurtari pas humbjes me Bylisin mbetet në vendin e 4-të me 24 pikë, më 1 më pak ndjek Vora. Ndërkohë Korabi është i shkëputur me 7 pikë në vendin e 6-të. Lushnja fitoi ndaj Besës së Kavajës dhe shkon në kuotën e 15 pikëve në vendin e 7-të, pas saj vejn Kastrioti me 12 pikë. Krutanët zhgënjejnë sërish në kampionat dhe iu largohen akoma më shumë zonës së “Play-Off”. Në zonën “Play-Out” ndodhet Burreli me 11 pikë, me nga 10 pikë janë Besa dhe Tomori, ndërsa mbyll klasifikimin Luzi me 8 pikë.

 

View this post on Instagram

 

A post shared by Newsport.al (@newsport.al)