Abissnet Superiore nuk do të jetë e vetmja që do të zbresë në fushën e blertë ditëne sotme, teksa Kategoria e Dytë do të vijë me 6 ndeshje mjaft interesante të grupit B.
Të gjitha takimet do të luhen në orën 13:00. Elbasani do të presë në “Shefqet Lamçja” Delvinën në një sfidë që premton spektakël. Elbasanasit synojnë fitoren për të “blinduar” vendin e parë në klasifikim.
Pogradeci që renditet i dyti me 2 pikë më pak do të sfidojë Butrintin e vendit të 6-të. Luftëtari vihet përballë Memaliajt që ndodhet në fundin e klasifikimit, teksa Maliqi do të matë forcat me Devollin e vendit të 4-të, të cilët synpojnë të mbajnë hapin e skuadrave të kreut. Tepelena dhe Alpetroli kanë një duel direkt mes tyre në fundin e klasifikimit, ndërsa Labëria tenton 3 pikët ndaj Shkumbinit.
Ndeshjet e grupit B:
Devolli – Maliqi
Elbasani – Delvina
Pogradeci – Butrinti
Luftëtari – Memaliaj
Tepelena – Albpetrol
Labëria – Shkumbini
