Kastrioti ka një duel delikat këtë fundjavë pasi pret në shtëpi kampionët në fuqi të Skënderbeut.
Fitorja është një detyrim për të besuarit e Bledar Devollit, edhe pse ky i fundit e di mjaft mirë forcën e korçarëve. Gjithsesi, krutanët kanë punuar në dy pista gjatë këtyre ditëve. Me skuadrën që përpiqet të marrë ngarkesën optimale në prag të së shtunës, drejtuesit nuk kanë qëndruar duarkryq, duke lëvizur në merkato.
Amarildo Çekrezi është futbollisti më i ri i krutanëve, ndërkohë që ditën e sotme, e cila përkon edhe me atë të fundit të merkatos së janarit pritet të sjellë prurje të reja. Skuadrës i është bashkuar edhe mesfushori Erlind Koreshi, reksa pritet një mbrojtës dhe një sulmues.
Bëhet fjalë për Eduart Bojom dhe Kingslei Agbodike. Bojom nuk është një emër i panjohur për kampionatin tonë, pasi më parë është aktivizuar me skuadrën e Luftëtarit, ndërkohë që për sulmuesin Agbodike do të kishte një rikthim nën urdhër e Devollit, pasi më parë kanë qënë pjesë të Tomorit.
