Në konferencën për shtyp përpara ndeshjes me Izraelin ka folur së bashku me trajnerin Panuçi edhe kapiteni i Kombëtares Ansi Agolli. Lojtari i Qarabag në Azerbajxhan rikthehet kështu në ekip pas një mungese relativisht të gjatë, ndërkohë që ka tentuar të ul disi pritshmëritë nga Liga e Kombeve duke deklaruar se më parë duhet pritur paraqitja e nesërme në “Elbasan Arena”.
“Sa herë që ka Kombëtarja nevojë për ne do jemi këtu për të bërë punën tonë. Vijmë dhe japim eksperiencën dhe ndihmën tonë për grupin në fushë dhe jashtë saj. Më duket sikur nuk kam ikur asnjëherë nga Kombëtarja. Është një klimë pozitive, kemi punuar gjatë gjithë javës mirë dhe besoj se skuadra është gati për nesër. Humbjet e fundit besoj se i kanë dhënë shumë mësime grupit. Është pak herët të flasim për fundin. Besoj se objektivi i parë i joni është të bëjmë një paraqitje sa më të mirë nesër”, tha ndër të tjera mbrojtësi Agolli.
Loading ...
