Ekipi shqiptar i Renovës që konkuron në ligën maqedonase të futbollit i ka nisur me vrull përgatitjet për sezonin e ri. Skuadra që drejtohet nga Jeton Beqiri synon një pozicion më të mirë në tabelë pas vendit të shtatë që mori këtë vit.
Ata do të udhëtojnë nesër drejt Korçës për të zhvilluar një test miqësor në orën 18:00 me kampionët në fuqi të Shqipërisë Skënderbeun. Përveç fazës përgatitore, klubi vazhdon me merkaton ku ka risjellë në skuadër sulmuesin maqedonas Stojanco Velinov. Periudha e përgatitjes për edicionin e ri do të mbyllet me takimin e fundit miqësor që do të luhet me Struga Trim Lum në datën 22 korrik.
Poll
Lexo gjithashtu
