Gjyqtarët do të jenë sërish këtë sezon nën shënjestrën e klubeve dhe tifozëve shqiptarë. Gjithmonë të vendosur në bankën e të akuzuarve, arbitrat janë kthyer në objektin e sulmit të skuadrave dhe tifozëve që në javën e parë të kampionatit. Kukësi e drejtoi menjëherë gishtin te gjyqtari Enea Jorgji, të cilin e akuzoi me se ishte tendencioz ndaj Laçit duke dëmtuar me mosakordimin e faulleve verilindorët. Klubi shkoi më tej duke thënë se do të shkonte në Komisionin e Arbitrimit për të kërkuar heqjen e emrit të Jorgjit në të gjitha takimet e Kukësit. Por më vonë postimi u fshi nga faqja e klubit kuksian. Episodi flagrant i mosakordimit të penalltisë për Kastriotin në ndeshjen ndaj Luftëtarit ishte momenti i vetëm që gjyqtarët e kësaj jave gabuan.
Lexo gjithashtu
