Roma rikthehet te fitorja në kampionat, teksa mbrëmjen e djeshme mposhti 1-0 skuadrën e Sassuolos. Heroi i këtij takimi padiksutim ishte Lorenzo Pellegrini.
Kapiteni shënoi golin vendimtar të ndeshjesh, duke i dhënë skuadrës së tij kështu 3 pikë shumë të rëndësishme në garën për një vend në Champions League për sezonin e ardhshëm. Pas ndeshjes Pellegrini do të ishte mjaft i kënaqur për fitoren, ndërsa deklaroi se Daniele De Rossi ka sjellë një frymë tjetër në skuadër.
“Mendoj se jam përmirësuar, tani ndjehem në qendër të lojës. Kam nevojë që në mesfushë të jem i lirë për të bërë atë që di të bëj më mirë. Kjo është e vërteta, dhe kjo është ajo që më ka munguar prej një viti e gjysmë.
Jam i lumtur që tashmë situata ka ndryshuar për mirë për mua, për shokët e skuadrës dhe për Romën. Duhej të fitonim me patjetër ndaj Sassuolos, këto tre pikë janë shumë të rëndësishme, ashtu siç ishte e rëndësishme edhe të mos humbisnim ndaj Fiorentinës.
De Rossi? Ka shumë respekt mes nesh. De Rossi ka qenë gjithmonë një pikë referimi për mua. Isha me fat ta kisha si shok skuadre dhe tani si trajner. Kemi një raport shumë të mirë, plot me pozitivitet”, u shpreh Pellegrini.
Lexo gjithashtu
