Sot luhet në Shkodër ndeshja mes Vllaznisë dhe Partizanit. Sfida e vlefshme për javën e 25-të në Superiore do të fillojë në orën 17:00 në stadiumin “Loro Boriçi”. Tekniku i Vllaznisë, Mirel Josa u shfaq i qetë përpara takimit në konferencën për shtyp.
Megjithatë trajneri i kuqebluve ka disa dilema pëqr formacionin. Liridon Latifi megjithë problemet e shfaqura me klubin pritet të jetë pjesë e skuadrës por besohet se do ta nisë nga stoli. Nga ana tjetër është ritkhyer me grupin mbrojtësi kroat Marko Juric, i cili ka kaluar shqetësimet fizike. Me shumë mundësi ai do ta nisë ndeshjen nga minuta e parë.
Zogovic në portë është i padiskutueshëm, teksa në mbrojtje krah kapitenit Gurishta dhe Juric pritet të jenë Hakaj dhe Bulatovic. Në mesfushë krah Jonuzit dhe Boshnjakut të rikthyer do të jetë Alivoda. Në repartin e sulmit Malaj dhe Hoxha do të mbështesin Bekim Balaj, i cili do të kërkojë sot të shënoj golin e parë me kuqeblutë pas rikthimit.
Lexo gjithashtu
