Presidenti i Tiranës ka pasur dje pasdite një takim me Afrim Takun për çështjen e hapur tri ditë më parë në kampin bardheblu.
Refik Halili dhe mesfushori 27-vjeçar janë takuar për të biseduar mbi përjashtimin që trajneri Mirel Josa i komunikoi “bomberit” të ekipit pas debatit mes tyre.
Por, presidenti i Tiranës nuk ka marrë një vendim përfundimtar për çështjen “Taku”. Kjo pasi Halili ka menduar se përpara se të marrë një vendim final, duhet të takohet fillimisht edhe me trajnerin Mirel Josa dhe ndihmësit e tij, Gvozdenoviç dhe Egbo.
Vetëm pas këtij takim mes drejtuesit më të lartë të klubit të Tiranës dhe stafit teknik të ekipit, do të vendoset nëse Taku do ta kalojë këtë situatë me një gjobë, apo do të merret vendimi për përjashtimin e tij.