Myrto Uzuni dhe Jon Mersinaj po shkëlqejnë në Kroaci, teksa së fundmi kanë qenë protagonistë në fitoren 0-4 që Lokomotiva e tyre mori në transfertë. Dyshja shqiptare është vlerësuar nga mediat vendase, teksa gjenden në formacionin ideal të javës. Myrto Uzuni ishte autori i një goli, ndërsa Mersinaj ka zhvilluar një paraqitje për t'u mbajtur mend. Edhe shqiptari tjetër, Cokaj ishte protagonist në fitoren e të tijve.
Sipas "Telesport.hr", dy lojtarët janë në formacionin më të mirë, duke ndihmuar ekipin të sigurojë rezultate pozitive. Në shkrim theksohet se Lokomotiva ka gjetur disa yje të rinj dhe menaxhimi i duhur mund t'i sjellë fryte ekipit. Për Uzunin shkruhej, "i shpejtë dhe ideal në sulm. Katër goditje dhe një gol. Fitues në duele dhe driblime. I frikshëm në zonë me veprimet e tij dhe më i miri i javës.". Fjalë të mira edhe për Mersinaj, që vlerësohet për veprimet në lojën e ajrit.
Lexo gjithashtu
