Presidenti i FSHF-së, Armando Duka ka treguar emocionet për finalen e EURO 2020, Angli-Itali. Duka ishte prezent në "Wembley" teksa ndoqi finalen, ndërsa sot I ftuar në emicionin "Log", foli për takimin me kryeministrin e Anglisë, Boris Johnson, por edhe për debatin që shkaktoi ndriçimi i stadiumeve me ngjyrat simbolike të LGBT-së. Numri një i futbollit shqiptar theksoi se preferonte që të ndriçonte stadiumin me ngjyrat e ekipeve dhe jo të këtij komuniteti, ndërsa preku edhe temën e Kombëtares.
Kandimi I Shakohoshës për kreu FSHF-në? "Pse jo. Unë inkurajoj çdo njeri që mund të japi një kontribut dhe mënyrën se si e mendon. Çdo njeri do të sakrifikoj nga koha e tij për këtë aktivitet. Sot kam marrë sinjale për këtë deklaratë, padyshim mund të ketë edhe të tjerë që të kandindojnë e të gjithë janë të mirëpritur pasi në fund vendos komuniteti i futbollit".
Shakohoxha thuhet se ka mbështetje nga Qeveria, si e mendoni? "Nuk e di, sot e kam dëgjuar që do të jetë kandidat e nuk e di nëse ka ngjyra poltike apo jo. Nëse do të jem pjesë e garës e respektoj atë që do të kontriboj për futbollin".
Marrëdhënia me Shakohoxhën? "Kam marrëdhënie të mira me të gjithë komentatorët dhe gazetarët, por jo të gjithë komentatorët më duan mua. Nuk kam ndonjë gjë personale me asnjë dhe marrëdhëniet e mia janë korrekte. Nuk ka lidhje ftohja dhe ngrohja me drejtimin e Federatës".
"Nuk ka një kualifikim të kombëtares as nga Duka dhe as nga De Biazi. Nuk besoj se jemi më dobët. Pavarësisht se po t'i hyjmë analizave do të jetë shumë e gjatë. Në atë Europian para kualifikimit dukej një short shumë i vështirë. Ne nuk jemi më dobët. Jemi jashtë këtij Europiani. Botërori në përgjithësi do të jetë i vështirë për Shqipërinë dhe vendet si Shqipëria. Për Europianin duhet të bëjmë të pamundurën, nuk është objektiv i paarritshëm. 2016 mund ta përsërisim prap. Kemi disa futbollistë ne nivele shumë të larta sot, që Shqipëria nuk i ka pasur kurrë. Kemi padyshim mangësitë tona. Kemi disa të rinj me të ardhme. I kemi të gjitha mundësitë për ta arritur. 2024 mbetet objektiv," tha ai.
Një trajner shqiptar te Kombëtarja? "Kemi besuar që kanë një eksperiencë më shumë. Duhet të jemi koshient që jemi këtu ku jemi, sepse jemi këta që jemi. Shqipëria është këtu sepse ne kaq punojmë. Kam beusar që ata nga futbolli evropian do na ndihmojnë më shumë. Kam bërë përpjekje që të kishim një trajner shqiptar i edukuar në shkollat evropiane, nuk kemi arritur. Mendoj se ka ardhur koha e të kemi një trajner shqiptar. Kam disa që i mendoj, nuk dua të them emra. I respektoj dhe i vlerësoj, kam besimin se mund ta bëjnë".
Takimi me Boris Johnson? "Iu vetëofrova dhe iu prezantova që jam nga Shqipëria. Më ka bërë përshtypje se ishte shumë i emocionuar për të fituar Anglia. Më foli për Shqipërinë. Më tha kam dëgjuar që është vend shumë i bukur dhe destinacion për anglezët", u shpreh ai.
Përshtypjet në finale? "Ajo që më bëri përshtypje që ishte edhe presidenti i Italisë apo David Beckham me fëmijët e tij. Ishte respekti që ndoqën ceremoninë deri në fund kur shumica e tifozëve anglezë u larguan . Kisha në krah të djathtë Beckham dhe në krah të majtë kisha Nestan. Kur humbi penalltinë Italia mërzitej Nesta dhe kur humbte Anglia mërzitej Beckham".
A do ta ndriçonit stadiumin me ngjyrat simbolike të LGBT-së? "Do preferoja ta ndriçoj stadiumin me ngjyrat e ekipeve. Stadiumi jonë nuk i ka këto kushte por shumë shpejt do ketë një sistem si Allianz Arena. Futbolli nuk ka pse të promovojë asgjë tjetër", u shpreh Duka.
Lexo gjithashtu
