Dalipi po, Dalipi jo, Dalipi ndoshta. Kjo është ajo që flitet në klubin e Partizanit për sa i përket trajnerit të ardhshëm të të kuqve. Klevis Dalipi ishte tekniku që mbylli sezonin që lamë pas. Në klubin e kuq prej kohësh ishin përfolur shumë emra për të zëvendësuar 41-vjeçarin. Njëherë Tokiç, njëherë Milinkoviç e sot Shpëtim Duro. Ky i fundit mund të jetë kandidat potencial për të marrë drejtimin e 15-herë kampionëve të Shqipërisë, megjithatë asgjë nuk është vendosur.
Drejtuesit e kuq kanë punuar mirë në këtë drejtim pasi kanë arritur të bëjnë një "lëmsh" të vërtetë për timonerin e ri. Burime të besueshme pranë klubit bëjnë me dije për newsport.al që trajneri i sezonit të ardhshëm do të zgjidhet brenda javës që vjen. Nuk do të jetë çudi nëse në krye të pankinës rikonfirmohet sërish Klevis Dalipi. Madje mësohet se edhe për lojtarët po lëvizet nën zë. Ndryshe nga sa është folur në media, futbollistët që do të largohen do të jenë me "pikatore" pasi drejtuesit dëshirojnë t'i mbajnë për të vijuar një projekt me bazën e lojtarëve të edicionit të shkuar.
Lexo gjithashtu
