Partizani i duhet Esat Malës dhe anasjelltas. Teksa jemi në javën më të "nxehtë" të futbollit në Shqipëri, klubi i Partizanit ende nuk e ka "falur" kosovarin. 21 vjeçari do të lihej jashtë skuadrës në javën e 12, teksa sipas drejtuesve të kuq nuk kishte pranuar rinovimin e kontratës. "Demat" e shohin si një lojtar të së ardhmes, andaj edhe investimi për prizërenasin ka qenë i madh.
Mala menaxhohet nga një kompani hollandeze, çka ka sjellë interesim të madh edhe në skuadrat "Tiulipane". Nga ana e vet Partizani kërkon të rrisë vlerën e lojtarit, duke mbushur kështu arkat e klubit nga një shitje e mundshme. Kur dukej se Mala ishte në rrugën e duhur drejt hapit të madh në karrierë, ka qenë vetë presidenti Demi ai që e ka "degdisur" në tribunë. Lojtari vijon të stërvitet i diferencuar edhe pse për këtë javë Partizani ka dy mungesa në mesfushë, siç janë Telushi dhe Broja. Mesa duket presidenca nuk ka ndërruar mendje për çështjen "Mala".
Lexo gjithashtu
