Skënderbeu prej disa ditësh ndodhet në Greqi, aty ku zhvilloi ndeshjen miqësore kundër Anaigenisi Karditsa, por që do të qëndrojë edhe për të zhvilluar një miqësore tjetër. Nigeriani i ardhur me bujë në merkaton e janarit, Xhejms Adeniji u pa sërish që në fushë të ishte zëvendësues dhe jo titullar, gjë që çoi në aludime të shumta se ai do të jepet në formë huazimi.
Për këtë situatë flet vet trajneri i Skënderbeut, Andrea Agostinelli. Ai tregon situatën në skuadrën e tij, preferencat që ka në formacion, por edhe se ku do të shkojë Xhejms Adeniji. "Nuk mund të flas me emra të përveçëm në këtë moment. Dua të sqaroj se para se të merret një vendim për transferimin e një lojtari, preferoj të flas vetë me të. Nuk më duket e udhës që lojtari ta marrë vesh nga mediat atë që më takon që t'ia komunikoj unë", u shpreh Agostinelli kur u pyet për lënien jashtë formacionit të nigerianit që i kushtoi 100 mijë euro në janar Skënderbeut.
Lexo gjithashtu
