Partizani arriti të merrte një fitore të thellë 4-0 ndaj Skënderbeut. Të kuqtë kanë treguar një formë mjaft të mirë në këto 5 javë duke kryesuar kampionatin me 10 pikë. Sfida e radhës do të jetë derbi ndaj Tiranës që do të luhet ditën e premte në oërn 18:00. I ftuar në emisionin “Pressing”, trajneri i Partizanit, Ilir Daja foli për ecurinë e skuadrës deri më tani, por edhe derbin ndaj Tiranës.
Çfarë po ndodh me kampionatin? “Mendoj se ana pozitive e Partizanit është që po tregojmë një performancë të mirë nga ndeshja në ndeshje. Kemi lojtarë që janë shpallur kampion dy sezone më parë dhe shpirti i skuadrës është kryesorja në ekipin tonë. Nga mënyrë se si po luajnë mbrojtësit tregon se jemi përmirësuar edhe në fazën e mbrojtjes.
Të drejtosh Partizanin, presioni për të marrë rezultate është prezent pasi Partizani starton gjithmonë me pretendime maksimale. Nuk kemi dalë me objektiva konkrete deri më tani pasi mungojnë lojtarë për shkak të situatës që jemi. Nuk do të thotë asgjë që jemi në vend të parë pas 5 javësh, por duhet të kemi vazhdimësi si në lojë, po ashu edhe në rezultate.
Diferencat në Superligë nuk janë të mëdha pasi faktori psikologjik nuk është njësoj në çdo skuadër. Ajo që është evidente në këto 5 javë është që ajo skuadër që ka bërë sakfricë për rezultate e ka marrë atë. Duke parë që luajmë kaq shpesh është normale që skuadrat të kenë luhatje”.
Jeni gati për të mbajtur vendin e parë? “Është java e 5-të dhe ne nuk kemi menduar se çfarë vendi do të kemi pasi diferenca nuk është e madhe. Ne kemi menduar që të marrim maksimumin në çdo ndeshje dhe mos të kemi luhatje. Jemi me këmbë në tokë pasi kampionati ka edhe shumë ndeshje për të luajtur. Jemi në vendin e parë, por jemi më këmbë në tokë”.
Cila nga skuadra e kryeqytetit iu ka dhuruar më shumë emocione? “Të drejtosh 3 skuadrat e kryeqytetit është vlerësim I madh për çdo trajner. Unë jam tifoz me skuadrën që drejtoj pasi jam profesionist. Kam dhënë gjithmonë maksimumin dhe nuk kam parë se ndaj çfarë skuadre kam përballë. Tani drejtoj Partizanin dhe them që jam tifoz I Partizanit”.
Mungesat e Tiranës në derbi? “Derbi ka një specifik tjetër dhe është krye ndeshja e kampionatit shqiptar. Tirana është skuadra kampione dhe ne jemi në vendin e parë për momentin dhe nuk ka shumë diferenca në pikë. Derbi është për t’u fituar dhe nuk vlen taktika pasi duhet fituar sepse të jep një moral më shumë për vazhdimsi për kampionatin”.
Loading ...
