Rally Albania mbylli dje ditën e parë të garave me nisjen nga Tirana drejt Pukës. 120 pjesëmarrësit nga 15 shtete të ndryshme startojnë kështu garën më “të çmendur” të makinave dhe motorrave. Terreni është vështisuar ndjeshëm sidomos për shkak të rreshjeve të shiut që kishin nisur në qytetin verior ende pa mbërritur sportistët.
Në bisedën që patën me Erjon Xharro i cili është përgjegjësi i marrëdhënies me median në këtë aktivitet u shpreh se risia e këtij viti përsa i përket organizimit është ndjekja në kohë reale që mund ti bëhet eventit përmes shkarkimit të një aplikacioni në celularë.
Ky aplikacion njofton në kohë reale për vendin ku po zhvillohet gara ,kryesyesit dhe çdo detaj tjetër që vjen për të apasionuarit pas këtyre sporteve. Disa prej garuesve janë larguar nga gara për shkak të aksidenteve që kanë pësuar në këtë ditë të parë.
I pari që e mbërriti finishin në Pukë ishte piloti gjerman Thorsten Kaiser me motorrin e tij, numri 114 në garë. Gjatë ditës së sotme gara prej 210 km do të zhvillohet vetëm në terrenin e Pukës.
