Ja si mund të ndërpritet EURO 2016

Frika nga sulmet terroriste pavarsisht masave ekstreme të sigurisë që janë marrë, sërish mbetet prezente. Ekziston një skenar i mundshëm se si mund të ndërpritet kampionati europian sipas asaj çfarë raporton “TheLocal”. Çdo sulm i mundshëm vdekjeprurës mund t’i japë fund Kampionatit evropian të futbollit në Francë. “Euro 2016” është në rrezik të mos zhvillohet deri në finalen e madhe më 10 korrik. Parisi ishte cak i një sulmi të madh terrorist në vitin e kaluar.Kurse, një tjetër sulm i tillë mund të detyrojë organizatorët që për shkak të rrezikut të madh ta anulojnë vazhdimin e garës”, është shkruar në portalin francez vetëm pak orë para se të nisë kampionati europian. Frika është prezente megjithëse masat e sigurisë që janë marrë nga organizatorët janë të shumta jo vetëm në stadiumet ku do të luhen ndeshjet, por dhe në aeroporte, rrugët e qyteteve franceze, qëndra tregtare, stacione metrosh apo kudo tjetër ku do të ketë grumbullim tifozësh.