Trajneri i Manchester United pak ditë më parë dha lajmin që Maguire nuk do të jetë më kapiten i ekipit. Kjo gjë nuk është pritur aspak mirë nga qendërmbrojtësi anglez që e mori rolin e kapitenit para 3 vitesh e gjysmë. Gjithë “mllefin” e tij të mbledhur brenda që kishte ndaj Ten Hag e ka shprehur me një postim në llogarinë e tij zyrtare në Instagram. Mbrojtësi i Manchester United dhe Kombëtares angleze shkruan: “Pas diskutimeve me menaxherin sot ai më ka informuar se do të ndryshojë kapiten. Ai më përshkroi arsyet e tij dhe ndërsa unë personalisht jam jashtëzakonisht i zhgënjyer, do të vazhdoj të jap gjithçka sa herë që vesh fanellën. Kështu që doja të them një falenderim masiv për tifozët e Manchester United për të gjithë mbështetjen e tyre të shkëlqyer gjatë kohës që mbaja shiritin në krah. Që nga dita kur mora rolin, tre vjet e gjysmë më parë, ka qenë një privilegj i madh të drejtoja Manchester United dhe një nga momentet më krenare të karrierës sime deri më sot. Është një nga nderimet më të mëdha në futbollin e klubeve. Unë kam bërë gjithçka që kam mundur për të ndihmuar Unitedin të jetë i suksesshëm si brenda dhe jashtë fushës. Unë do t'i jem gjithmonë mirënjohës Ole Gunnar Solskjaer që fillimisht më dha përgjegjësinë dhe i uroj kujtdo që ta marrë shiritin tani çdo sukses dhe ata do të kenë mbështetjen time të plotë”.  

 

View this post on Instagram

 

A post shared by Harry Maguire (@harrymaguire93)