Tirana vijon me përgatitjet në kryeqytet, pasi është rikthyer nga Turqia. Këto përgatitje, janë në kuadër të Champions League, aty ku bardheblutë marrin pjesë në raundin e parë dhe do të sfidojnë në datat 6 dhe 13 korrik ekipin nga Luksemburgu, Dudelange.
Nga seanca e sotme stërvitore, Marsel Ismajlgeci foli për Supersporti, ku u shpreh: “Është privilegj që të jesh kapiten në moshën 22-vjeçare, pasi është ekipi më i titulluar dhe më i madh në Shqipëri. l besoj se çunat do ma bëjnë më të lehtë pasi janë shumë të mirë.
Kemi zhvilluar një fazë shumë të mirë në Turqi. Kemi organizuar dhe disa miqësore dhe them se jemi gati për ndeshjet e Champions. Është e vërtetë që ishte rivali më i pranueshëm, por kemi parë videot e kundërshtarit dhe e dimë se çfarë janë në gjendje të bëjnë dhe çfarë kapaciteti kanë. Këdo që të kemi kundër ne japim maksimumin dhe ekipi besoj se do të jetë në 100% e tij për të dhënë maksimumin”.
Tifozët? Janë lojtari i 12-të i ekipit dhe do na ndihmojnë shumë. Diçka që e kanë lajmëruar dhe vetë ata që do të jenë në Luksemburg. Në ndeshjen e kthimit kam besim se do të jetë plot stadiumi”, u shpreh Ismajlgeci.
Lexo gjithashtu
