Lazio arriti të fitonte minimalisht ndaj Romës mbrëmjen e djeshme, duek marrë kështu një fitore mjaft të rëndësishme. Ky 3 pikësh e ngjit Lazion në vendin e dytë në tabelën e klaisifikimit.
Në fushën e lojës për 90 minuta ishte edhe mbrojtësi i kombëtares shqiptare, Elseid Hysaj, i cili foli pas fitores për “Lazio Style Channel”. Hysaj gjithashtu theksoi se në një ndeshje derbi dhimbjet harrohen dhe tashmë po mendon për sfidën e kombëtares që do të luajë më 27 mars ndaj Polonisë.
“Rikuperimi në kohë për derbi? Mora një goditje të fortë në ndeshjen e kaluar, por u rikuperova dhe më ndihmoi edhe qetësuesi. Ishte e pamundur për mua që ta humbisja këtë sfidë, duhej të qëndroja me çdo kusht në fushë dhe të ndihmoja skuadrën.
Kishte shumë tension në fushë dhe derbi është nga ato sfida që të bën të harrosh dhimbjet.Të jep karikimin e duhur, të gjithë bëmë maksimumin dhe në fushë ndihmuam njëri-tjetrin. Tifozët janë special dhe nëse fiton, atëherë të bëjnë një fenomen.
E kundërta ndodh kur humbet. Por, ata janë një shtysë e madhe për ne. dhamë gjithçka në fushë dhe e merituam fitoren. Nesër nisem për në kombëtare dhe nuk ka kohë për pushime. Megjithatë, do ta shijoj këtë fitore”, u shpreh Hysaj.
Lexo gjithashtu
