Albion Rrahmani është shpallur golashënuesi i Superligës së Kosovës këtë sezon. 22-vjeçari ka qenë një pikat kyçe të tranjerit Ilir Daja në suksesin që skuadra e Ballkanit arriti.
Suharekasit arritën të shpalleshin për të dytin vit radhazi kampion të Kosovës. Meritë e këtij suksesi padyshim që është Rrahmani, i cili ka arritur të shënoj plot 20 gola në kampionat. Performanca e mirë e futbollistit ka bërë që trajneri i përfaqësueses së Kosovës, Alain Giresse ti jap atij mundësinë për të qenë pjesë në ndeshjet e muajit qershor.
Lajmin e ka bërë të ditur vetë Federata e Futbollit të Kosovës nëpërmjet një postimi në kanalin zyrtar.
Njoftimi i plotë i FFK-së:
Përzgjedhësi Alain Giresse e ka ftuar në grumbullimin e Kombëtares sulmuesin e FC Ballkani, Albion Rrahmani. Ai do t’i bashkohet ekipit sot dhe do të jetë në dispozicion të trajnerit për dy ndeshjet kualifikuese kundër Rumanisë dhe Bjellorusisë. Albioni gjatë edicionit të sapopërfunduar spikati me lojëra të mira dhe ishte golashënuesi më i mirë në Albi Mall Superligë. Ai ka qenë pjesë e Dardanëve edhe në grumbullimin e muajit mars.
Lexo gjithashtu
