Partizani është një nga skuadrat kandidate për titullin kampion në këtë sezon futbollistik. Ferhan Hasani ishte afrimi më i bujshëm në radhët e të kuqve, megjithatë sulmuesi i njohur ende nuk ka arritur të tregojë vlerat e tij në kampionatin shqiptar.
Mungesa e gjatë në fushën e blertë ka bërë që t’i duhen më shumë ditë për të kapur formën e tij. Për këtë ka folur Ard Mema që e konsideroi të gabuar lëvizjen e të kuqve për të pasur në ekip futbollistin.
“Kur pretendon për titull duhet të marrësh lojtarë që janë të gatshëm. Partizani ka marrë Ferhan Hasanin, por nuk po e shohim të luajë. Nuk ka kohë askush ta presë. Duhej të kishte bërë lëvizje të tjera”, tha fillimisht Mema.
Ndeshja Kukësi – Partizani (1-2) u përfol shumë për golin e verilindorëve që të kuqtë në formë “Fair-Play” hapën portën pas gabimit të Muratajt në golin e dytë, që nuk respektoi “Fair- Play”. Mema del kundër rrymës dhe tregon se edhe ai do ta kishte realizuar atë gol. Në fjanë e tij për Sport Time ish trajneri i Tiranës në sezonin e shkuar u shpreh:
“Ai (Murataj) nuk ka asnjë lloj faji, as arbitri jo. Atëherë është dinamikë e shpejtë. Lojtari i Kukësit e kishte nën kontroll topin. Është instikti vrasës i futbollistit. E gjithë ndeshja ka qenë fair-play. Unë kam qenë shumë dakord që Partizani bëri atë veprim. U fol shumë në media për hipoteza, por ne folëm për atë ndeshje. Për mua u veprua shumë mirë. Fair- Play është një lloj ligji i pashkruar. Shumë analistë filluan të aludonin. Unë e kam dëgjuar gjithandej, por ky moment duhet t’i vlejë çdo ekipi që të jenë “fair”. Kam parë shumë skuadra që abuzojnë me fair-play, shtrihen në fushë, vonojnë ndeshjen. Kjo ishte një gjë e bukur që të bën të mësosh se ka kështu edhe në Shqipëri”.
Loading ...
