Isli Hidi nuk e përjashton mundësinë e rikthimit në Superligë. Në një intervistë për "Supersport", ish-portieri i Tiranës pranon se, nëse në adresë të tij do të vijë një ofertë e mirë, edhe mund ta pranojë.
"Jam shkëputur prej vitesh nga Shqipëria, por Superligën dhe sidomos Tiranën e ndjek vazhdimisht.
Ndjej keqardhje që e shoh ish-skuadrën time në këtë situatë. Shpresoj shumë që të rikthehet në nivelet ku i takon Tiranës. Kam edhe një vit rinovimi si opsion me ekipin qipriot të Nea Salamina-s.
Në fund të sezonit do të bisedoj me drejtuesit e klubit për të vendosur mbi të ardhmen time. Nuk e përjashtoj mundësinë e rikthimit në Superligë.
Nëse vjen ndonjë ofertë që ia vlen, pse jo, edhe mund ta pranoj.
Derbi? Më duket e pabesueshme që Tirana nuk fiton prej kaq shumë kohësh ndaj Partizanit, por në futboll ndodh çdo gjë.
Kam shprehur gjithnjë dëshirën time për fitoren e Tiranës, por duke parë rezultatet e fundit që ka arritur Partizani në derbi, më mirë të mos bëj parashikim (qesh)", u shpreh Isli Hidi për Supersport.
Lexo gjithashtu
