Ledio Pano ishte i ftuar në emisionin "Ora Sport" në Ora News. Nën drejtimin e moderatorit, Glend Tafaj, trajneri i të kuqve foli për një sërë çështjesh, ku sigurisht më së shumti analizoi Partizanin. Dhe në fund u ndal te Skënderbeu e Kamza.
"Me lojtarët aktualë, Partizani duhet të shohë për vendin e dytë. Për të arritur më lart duhet të bëjë disa ndryshime. Duhet të ndryshohet e gjitha loja në tërësi.
Nëse merren shumë veta me rregullimin e skuadrës, prish shumë punë. Mund të përmend Vlorën, që presidenti Idrizi i ka dhënë dorë të lirë ekipit dhe sot Flamurtari është në vend të dytë. Vjet Flamurtari ka shpenzuar shumë më tepër dhe ishte atje ku ishte.
Skënderbeu ka vite që është në të njëjtin ritëm. Ka një president që ka pas luajtur futboll dhe e di mirë se çfarë bën. Gjithashtu ka edhe një trajner punëtor. Megjithatë unë them që tashmë do të dalë edhe lodhja e tyre.
Kamza ka bërë përgatitjet e veta. Ka një trajner luftarak. Ka një staf drejtues që kanë dëshirën të ngrihen dhe të njihen në futbollin shqiptar. Futbolli nuk varet me llafe, por me punë", u shpreh ai.
Lexo gjithashtu
