Për trajnerin e Skënderbeut, Orges Shehi humbja e Shqipërisë mbrëmë ndaj Skocisë nuk duhet të shihet si tragjedi, pasi sipas tij janë shkatërruar me rezultate të thella kombëtare më të mëdha se Shqipëria. Në emisionin "Fair Play", Kombëtarja është në fazë tranzicioni dhe nuk duhej të vendoseshin objektiva në Ligën e Kombeve.
"Kombëtarja në kohën e De Biasit ka qenë në periudhën më të mirë. Kanë qenë lojtarë të pjekur, më stabël, ishin lider në skuadra. Për harmoninë sot nuk e di. Atëherë lojtarët luftonin shumë në fushë.
Sigurisht komunikoj. Janë miqtë e mi. Me Berishën kam qenë 6 vjet në një dhomë. Por jo me të gjithë.
Doja të të korrigjoja. U ka ndodhur dhe ekipeve më të mëdha. Brazili u turpërua nga Gjermania në Botëror në shtëpi.
Skocia nuk është skuadër për t'u nënvlerësuar. Kanë lojtarë në nivele të larta, luajnë në Angli.
Pas kartonit të kuq, ndryshoi gjithçka. Jemi në periudhë tranzicioni. Nuk duhet të kishim objektiva, sepse njëri brez u largua.
Panucci është trajner që guxon. Pas rezultatit 2-0, unë nuk do të guxoja. Mbase lojtarët nuk i binden mendimeve të tij.
Formacioni te kombëtarja zgjidhet ndryshe nga klubet, sepse kanë informacion për të gjithë lojtarët. Edhe trajneri është qenie njerëzore", u shpreh Shehi.
Lexo gjithashtu
