Interi mori një fitore të rëndësishme ndaj Lazios, me zikaltërtit që triumfuan 2-0 ndaj ekipit të Elseid Hysajt. Pas këtij trimfi skuadra e Simone Inzaghit udhëheq Serie A me 41 pikë, 4 më shumë se Juventusi ndjekës.
Pas kësja fitoreje , trajneri i zikaltërve do të theksonte se Lautaro Martinez dhe Marcus Thuram bënë një ndeshje të shkëlqyer dhe janë dy nga lojtarët kryesorë në sukseset e Interit.
“Lautaron dhe Thuramin i prisja kështu, pasi që në verë dhanë sinjale se mund të kuptohen shumë mirë së bashku. Megjithatë i gjithë Interi është shumë në formë. Erdhëm dhe fituam ndaj Lazios në “Olimpico”, edhe pse kishim katër mungesa të rëndësishme si Cuadrado, Sanchez, De Vrij e Dumfries.
Dua të vlerësoj Bisseck, që tregoi shumë personalitet, edhe pse kishte përballë kundërshtarë shumë cilësorë. Nuk u vu asnjëherë në panik, ndaj edhe nuk patëm nevojë të rrezikojmë me Pavard.
Shorti i Champions? Dua përballë Manchester Cityn. Çdo kundërshtar është shumë i fortë, ndaj të përballemi me më të mirët, për të testuar edhe forcën tonë”, deklaroi Inzaghi.
Lexo gjithashtu
