Përpara sfidës në Champions me Benfikën trajneri i Interit Simone Inzaghi foli në konferencën për shtyp. Tekniku i zikaltërve analizoi momentin që po kalon ekipi i tij.
Rezultatet e fundit në kampionat e kanë komplikuar shumë sezonin e Interit dhe vënë në dyshim prezencën në “Top 4”. Por për Inzaghin ekipi ka luajtur mirë pavarësisht rezultateve negative.
“Nuk do ndalesha vetëm në Salerno, do të mendoja edhe për ndeshjen me Fiorentinën: janë dy rezultate të cilat nuk flasin për atë që kemi parë në fushë. Kushdo që shkruan dhe flet shumë herë ndikohet nga rezultatet, por duhet të jesh i kthjellët.
Është e vështirë në futboll t’i lësh mënjanë rezultatet, por në ndeshjet e fundit, siç është shprehur skuadra jam i lumtur. Sigurisht që jam i zhgënjyer me rezultatet.”
Lexo gjithashtu
