Milan Skriniar do të luajë 5 muajt e fundit me fanellën zikaltër teksa ka nënshkruar parakontratën me PSG dhe në verë do të kalojë në Paris. Një humbje e madhe për Interin që sheh t’i largohet një nga shtyllat e ekipit me parametra zero, e ndërsa e njëjta mund të ndodhë sërish.
Mbrojtësit tjetër, Alessandro Bastoni, i skadon kontrata vitin e ardhshëm dhe zikaltërit duhet të nxitojnë për të rinovuar me një nga talentët më premtues të futbollit italian. Vlera 23 vjecarit kap shifrat e 55 milionë eurove në Transfermarkt.
Drejtuesit janë të gatshëm të ofrojnë plot 6.5 milionë euro plus bonuse në sezon për Bastonin, për të shmangur një tjetër precedent. Mirëpo, zikaltërit duhet të nxitojnë pasi të interesuarit variojnë nga "pasanikët" e Premier League deri te gjignatët spanjoll, Real Madrid e Barcelona.
Lexo gjithashtu
