Me Interin ishte dështak në 2010-ën, tani nderon Portugalinë

Të gjithë në Itali e mbajnë mend si një futbollist të dështuar. Rikardo Kuarezma erdhi tek Interi në vitin 2010 me shumë bujë, madje për një vlerë të konsiderueshme, por nuk dha asgjë dhe atë vit fitoi “bidonin e artë”, çmim për lojtarët më të dobët. Mbi të gjitha, ka një karakter shumë të vështirë. Por tani, 6 vite më pas, shfaqet protagonist dhe vendimtar, duke udhëhequr Portugalinë e tij drejt çerekfinalve të Europianit me atë gol të shënuar me kokë në shtesën e dytë të ndeshjes me Kroacinë. Duket se është momenti i tij.