Inter do të përballet me Porton, në fazën e 1/16-ve të Champions League. Goglat vendosën që zikaltërit të kishin kundër kampionët e Portugalisë. Menjëherë pas shortit ka folur Javier Zanetti i cili ka komentuar për mikrofonët e “Mediaset”.
"Do të jenë ndeshje të vështira, e njoh mirë Porton dhe ish-shoku im i skuadrës Conceiçao po bën një punë të shkëlqyer. Kjo do të varet shumë nga forma që do të kemi në shkurt. Është gjithmonë një ndeshje e Champions League dhe ne duhet të kemi respektin maksimal për kundërshtarët tanë”.
Sa i përket ndryshimeve mes këtij kompeticioni madhor dhe kampionatit, Zanetti tha:
"Duhet të punojmë dhe të përmirësohemi. Grupi ka dhënë përgjigje të rëndësishme dhe tani duhet të bëjmë mirë deri në pushimin e kampionatit. Më pas, kur të rifillojmë pas Kupës së Botës, do të jetë krejt tjetër gjë. Duhet të gjejmë ekuilibër dhe vazhdimësi. Më falni për disfatën e djeshme, në pjesën e parë mund të kishim mbyllur epërsinë por ky është futbolli dhe ata shënuan në rastin e parë. Ne mezi e presim këtë përballje”.
Në fund u ndal te rinovimi i Skriniar duke zbuluar se negociatat janë në rrugë të mbarë.
"Ne po flasim dhe janë të gjitha kushtet për të ecur përpara së bashku", përfundoi ai.
Lexo gjithashtu
