Valdir Segato ka ndërruar jetë në moshën 55-vjeçare. I njohur ndryshe si “Hulku brazilian”, ai është shuar para kohe për shkak të përdorimit të substancave të ndaluara. Segato ishte i fiksuar pas sportit të bodybuilding. Por, duke qenë se nuk mund të arrinte rezultatet e dëshiruara edhe për shkak të moshës, para 6 vitesh vendosi të përdorte sintoli.
Ai u bë i famshëm në rrjetet sociale për shkak të muskujve të tij. Ç’është e vërteta, sintoli nuk të shton fuqinë, por rrit muskujt nga ana vizuale duke shkaktuar shumë efekte anësore. Mjekët e kishin paralajmëruar që të hiqte dorë nga injeksioni i tyre, por nuk kishte pranuar. Dëmtimi i nervave të gjymtyrëve ka sjellë edhe ndarjen e parakohshme nga jeta.
