Flamurtari pritet të jetë një nga skuadrat për tu mundur nga kundështarët për sezonin e ri. Përforcimet cilësore dhe emërimi i trajnerit Ilir Daja në krye të ekipit vlonjat kanë bërë që Flamurtari të jetë ekipi pretendente për titull në edicionin e ri.
Lidhur me përgatitjet por edhe miqësoret që janë zhvilluar deri tani nga vlonjatët, ka folur tekniku Daja i cili vlerëson si të vonuar fazën përgatitore por edhe rezultate jo fort të mira në miqësore e zhvilluara.
"Në fazë përgatitore kemi shkuar në një kohë jo të përshtatshme pasi kemi pritur formatimin e grupit. Qëllimin e fazës përgatitore e kemi arritur për të krijuar frymën e grupit. Diçka tjetër që dua të specifikoj ka të bëjë me miqësoret që kemi zhvilluar, për të cilat dua të them që nuk kemi arritur atë që duhet sepse nuk pamë ndeshje reale dhe të fortë. Fokusi ynë krysor është merkatoja dhe plotësimi i grupit deri në momentin e fundit të merkatos. Kemi vendosur pikat mbi "I" dhe së bashku me drejtuesit e klubit kemi bërë një analizë të asaj se çfarë na duhet jo në numër por në cilësi".
Ilir Daja ka folur edhe për çështjen e Elton Kalesë, për të cilin nuk ka dashur të thotë gjë dhe vazhduar më pas me komentin për ndeshjen e parë të kampionatit që vlonajtët do të kenë me Teutën.
"Nuk dua të komentoj Kalenë pasi ccështja tashmë ka shkuar në Dhomën e Zgjidhjes së Konflikteve. Sa i përket kampionatit dhe kundështarit të parë, Teutës, nisemi si të barabartë, pasi ne nuk e njohim kundështarin sikurse dhe kundërshtari nuk ka njeh ne. Respekt për Teutën nisur nga përforcimet që kanë bërë, por në fund më shumë do respektojmë veten tonë", është shprehur Daja për mikrofonin e RTSH-së.
Lexo gjithashtu
