Ilion Lika, mund të quhet padyshim njeriu i ndeshjes për takimin e luajtur sot në Laç, pasi arriti që të mabjë portën e Tiranës të paprekur, kur ishte gati që të pësonin gol në sekondat e fundit të takimit. Por, "gardiani" bardheblu nuk e sheh si arritje personale këtë gjë, ndërsa sheh përpara dhe kërkon që të marrë pikët maksimale në çdo sfidë për vet objektivat që kanë.
"Do të thosha që nuk ka rëndësi pritja ime, nëse nuk zhbllokohemi në sulm. Është e pafalshme që skuadra jonë merr dy pikë në dy ndeshje. Nuk falet ky rezultat. Dy ndeshje jashtë fushës, por dy pikë nuk janë keq për ne si futbollistë, por ideologjia e Tiranës i hedh poshtë këto, sepse na duhen pikë.
Prurjet që kanë ardhur nuk janë kompletuar ende me dokumentat. Ato janë në repartin e sulmit, aty ku ne po çedojmë. Për shkak të strategjisë për të marrë fitoren patjetër, ne bëmë një farë aventure që na bëri që të rrezikonim që mund të mos merrnim asnjë pikë".
Lika & Muzaka - "Janë lojtarë të rëndësishëm dhe janë drejt rekuperimit. Kanë eksperiencë dhe kanë treguar kualitetet e tyre. Muzaka është më afër rekuperimit, ndërsa Gilmanin e presim me padurim. Në momentin që kthehen këta dy lojtarë dhe prurjet e reja që kanë kualitet, kam shumë besim se Tirana do të jetë më e frikshme dhe do të zhbllokohemi. Janë djem që luajnë mirë dhe që kërkojnë maksimumin. Normalisht, të mos merremi me rezultatin, por kemi krijuar volum loje dhe raste, na ka munguar fati. Në ndeshjen me Kukësin duam të zhbllokohemi".
"Thumbim" - Nuk harron të përshëndesë Bledi Shkëmbin, ku Ilion Lika i thotë: "Më vjen keq që të shoh në studio, duhet të ishe në fushën e blertë", ndërsa ish-kapiteni i Skënderbeut nuk jep një përgjigje, por vetëm e falenderon portierin e Tiranës.
Lexo gjithashtu
