Kristal Abazaj është futbollisti më i ri i Osijek. 22 vjeçari firmos në Kroaci në formulën e huazimit nga Anderleht, me të cilin ka firmosur një kontratë 3 vjeçare.
Gjithsesi, Osijek ka mundësinë për të firmosur përfundimisht me Abazaj në fundin e sezonit, teksa prezantimi i tij nga skuadra kroate është vërtetë e veçantë.
Me idhull Ronaldo Fenomenin dhe shitja më e bujshme nga Kategoria Superiore, Osijek ka renditur 10 pikat që e prezantojnë më së miri ish-futbollistin e Luftëtarit.
1. Ai lindi më 6 korrik 1996 në Elbasan dhe në verë ai do të jetë 23 vjeç.
2. Ai është një nga pesë fëmijët në familjen e tij dhe ka dy vëllezër dhe dy motra.
3.Ai u stërvit me skuadra si Tirana, Partizani dhe Elbasani, ku në të gjitha ekipet ai ka qenë një sulmues krahu.
4. Ai bëri sezonin e tij të parë si profesionist në radhët e Luftëtarit në sezonin 2016/2017.
5. Që atëherë, ekspertët dhe gazetarët në Shqipëri e kanë cilësuar si një nga talentet më të mëdha në vend.
6. Goli i tij kundër Partizanit më 17 dhjetor 2017, u shpall më i bukuri në kampionat pasi bëri një sprint për rreth 70 metra, për të tundur rrjetën.
7. Nënshkrimi i kontratës tre-vjeçare me Anderlecht e ka bërë një nga transferimet më të mëdha në futbollin shqiptar, me vlerë 750,000 euro.
8. Me Anderlecht, Abazaj luajti një ndeshje kundër Cercle Brugge më 16 dhjetor 2018.
9. Thirrja e parë për ekipin A të Shqipërisë u dha më 16 mars vitin e kaluar për një takim me Norvegjinë dhe ai debutoi më 29 maj kur luajti kundër Kosovës.
10. Në mënyrë të përsëritur ai thotë se ngjanë me sulmuesin brazilian Ronaldo, dikur futbollisti më i mirë në botë.
Lexo gjithashtu
