Europa po fiton një tjetër super-talent. Emre Mor, vetëm 19-vjeç po i kujton të gjithëve hapat e para të karrierës së Leo Mesit, i cili me Barcelonën dalloi direkt që në sfidën e parë se çfarë do të bënte në të ardhmen.
Në të kaluarën ka luajtur me moshat e kombëtares së Danimarkës, ndërsa pasi mbushi 18-vjeç kuptoi se zemra i rrihte më shumë për vendin e origjinës, Turqinë dhe zgjodhi të përfaqësonte pikërisht skuadrën që drejtohet nga Fatih Terim.
Sulmuesi i krahut të Borusia Dortmund, sa herë që ka prekur fushën me skuadrën e Tomas Tuhel ka mahnitur jo vetëm tifozët vedhezinj, por edhe ata kundërshtarë.
I transferuar nga Nordsjeland te Borusia në merkaton e verës, sulmuesi turk i lindur në Danimarkë nuk e ka siguruar ende vendin e titullarit, por nëse do të vazhdojë kështu, është e sigurt që një mes Mario Gëces, Shurles, ose edhe Dembele do të duhet të shijojnë nga stoli "magjinë" që rrjedh nga këmbët e 19-vjeçarit.
Me Dortmundin, Mor debutoi që në verë gjatë një miqësore të zhvilluar me Mançester Junajtid, ndërsa dalloi direkt për cilësitë e tij.
Debutimi me Dortmundin në sfidën miqësore kundër Man. Utd.
https://www.youtube.com/watch?v=DfF9JY6ahjE
Këtë të martë kundër Realit të Madrid bëri debutimin në Champions me verdhezinjtë, ndërsa në fund të takimit pati një bisedë të shkurtër me idhullin e tij, Kristiano Ronaldo.
Mjaftoi vetëm një ndeshje me Shpresat e Turqisë që të shkëlqente e më pas të kalonte te Kombëtarja e madhe, ndërsa trajneri Fatih Terim tashmë ka një "yll" më shumë në organikën e tij.
Momentet më të mira të Emre Mor te Dortmundit
https://www.youtube.com/watch?v=lblzSlHWW6c
Duket se Marko Rojs, pasi të kthehet nga dëmtimi, do ta ketë shumë të vështirë për të konkurruar me Gëce, Dembele, Shurle dhe së fundmi, Emre Mor.
Emre Mor në sfidën ndaj Realit, të martën në Dortmund
https://www.youtube.com/watch?v=qihnOm9Xne4
Skeda
Emër/ Mbiemër Emre Mor
Datëlindja 24 July 1997
Mosha 19 vjeç
Vendlindja Bronshoj, Danimarkë
Gjatësia 1.68 m
Roli Sulmues krahu
Karriera
2015–2016 Nordsjeland
2016 Borusia Dortmund
Kombëtare
2013–2014 Danimark U17
2015 Denmark U19
2016 Turqi U21
2016 Turqi
Lexo gjithashtu
