Partizani rrezikon të dënohet nga komisioni i Disiplinës për shkak të disa tifozëve që hynë në stadium dhe goditën fotografin e skuadrës së Flamurtarit. Në bazë të rregullores skuadra kryesuese e kampionatit rrezikon të humbas ndeshjen në tavolinë, ashtu siç ndodhi në rastin e ndeshjes Tomori-Apolonia. Ja çfarë thotë rregullorja e e Kodit të Disiplinës për të tilla raste.
Neni 65 Dështimi në përmbushjen e përgjegjësive
Pika 3/b Në rastin e hyrjes brenda pjesës së rrethuar të fushës së lojës të ndonjë personi, duke shkaktuar akte të dhunës ndaj lojtarëve në fushë dhe/ ose zyrtarëve të ndeshjes, dhe/ose ndërprerje të lojës, ekipi përgjegjës për sigurinë e ndeshjes në stadium, ose ekipi përgjegjës për aktet e kryera do të penalizohet me humbjen e ndeshjes në tavolinë me rezultatin 3-0 si dhe zhvillimin e 4 ndeshjeve pa spektatorë.
Pika 4 Organi gjykues ka të drejtë të vendosë dënime edhe nëse nuk është verifikuar ndonjë shkelje e përcaktimeve këtu në kod, por thjesht për çështje të mospërmbushjes së standardeve të sigurisë.
Tashmë i ngelet në dorë Komisionit të Disiplinë për të dhënë verdiktin final për dhunën e ndodhur në stadiumin "Selman Stermasi" në ndeshjen Partizani-Flamurtari.
Lexo gjithashtu
