Përmes një lidhje direkte nga Antalia për Supersport, Ivan Gvozdenoviç ka dhënë një intervistë ku ka folur për miqësoren e djeshme që luajti Tirana kundër FC Akzhayik, skemën e re që aplikoi trajneri Josa dhe për të merkaton.
“Vërtet humbëm 2-0 në miqësore, por rëndësi ka që lojtarët u përshtatën mirë me skemën e re që provuam. Aplikuam një reshtim 3-4-3 dhe nëse do të jetë efikase, pse jo, do të vazhdojmë të luajmë me këtë skemë edhe në kampionat. Normalisht për këtë do të vendosë trajneri Josa.
Merkatoja? Në fakt është presidenti ai që vendos dhe mendoj se do të bëjmë disa përforcime. Janë të nevojshme normale, sidomos pas disa largimeve që kemi pasur së fundmi.
Obejktivat? Tirana është klub i madh dhe gjithmonë ndërtohet për titull kampion. Tani vërtet jemi në vend të 4-t dhe mendojmë për të arritur Europën, por ky klub është kampion dhe mendon si i tillë”, tha zv.trajneri, i Tiranës, Ivan Gvozdenoviç në intervistën “live” për Supersport.
