Egnatia dhe Dinamo janë fituesit e titullit në Grupin A dhe B të Kategorisë së Parë për këtë sezon. Ditën e sotme është mbyllur zyrtarisht Kategoria e parë për zonën e promocionit dhe dy ekipet ngritën lartën Kupën. Si Dinamo ashtu edhe Egnatia e kishin siguruar vendin e parë pak javë më parë, ndërsa sot ngritën lart trofeun si fitueset e Grupit A dhe B. Që të dyja ekipet do të luajnë vitin tjetër në Superligë, ndërsa presidenti i FSHF-së, Armando Duka u ka dërguar një mesazh urime Dinamos dhe Egnatias përmes një statusi në rrjetet sociale.
Postimi i Armando Dukës:
Urime Dinamo, urime Egnatia!
Të dashur miq,
Në emër të Federatës së Futbollit dua t'i shpreh urimet më të përzemërta Dinamos dhe Egnatias për suksesin e arritur në Kategorinë e Parë, e cila u kurorëzua me ngjitjen në Kategorinë Superiore sezonin e ardhshëm. Sukses që duhet t'ju bëjë krenar për punën e zhvilluar gjatë këtij edicioni futbollistik. Kjo arritje është e qartë që vjen pas një pune të madhe, investimi të rëndësishëm dhe sakrifice nga të gjithë lojtarët, stafet teknike dhe drejtuesit e klubeve.
Përpara keni një finale që do shpallë skuadrën kampione të Kategorisë së Parë. Festimi i kësaj arritjeje duhet t'ju japë forcë për të punuar më shumë, për të programuar në mënyrën më të mirë edicionin e ri dhe për t'u përmirësuar më shumë cilësinë sportive në të mirën e klubeve tuaja dhe gjithë futbollit shqiptar. Gjithashtu, më gëzon fakti që Dinamo dhe Egnatia kanë projekte ambicioze në infrastrukturë për të ardhmen që janë të domosdoshme për zhvillimin e futbollit shqiptar dhe si projekt afatgjatë për të qëndruar në elitën e futbollit.
Lexo gjithashtu
