Juventusi ka fituar në transfertë përballë Salernitanës në ndeshjen e vlefshme për javën e 19-të të Serie A. Sfida e zhvilluar në “Stadio Arechi”, përfundoi me rezultatin 1-2.
Pas kësaj ka dalë në konferencën për shtyp para mediave, trajneri i “Zonjës së Vjetër”, Massimiliano Allegri. Ky i fundit shprehet shumë i lumtur për fitoren e sotme, duke theksuar dhe një herë që është e rëndësishme të mbajnë diferencë pikësh nga vendi i pestë. Tekniku italian gjithashtu flet për golin e fitores së Interit ndaj Veronas, i cili u komentua shumë. Allegri thotë që VAR është diçka subjektive dhe nuk ia vlejnë debatet pas vendimeve të marra.
“Le të jemi realist. Ne kemi para nesh Interin që është një ekip i fort. Fitorja në Salerno ishte e rëndësishime për të ruajtur distancën nga vendi i pestë. Ne kemi një avantazh prej 14 pikësh që do të thotë plot 5 ndeshje. Për momentin jemi mirë fizikisht, jemi rritur nga ana e qetësisë. Kohët e fundit sulmojmë shumë mirë, finalizojmë mirë gjithashtu. E kemi përmirësuar këtë, por kemi përkeqësuar fazën e mbrojtjes. Nuk duhet të pësojmë.
Goli i djeshëm i Interit? VAR-i është diçka subjektive, unë e kam thënë këtë edhe më parë. Nuk ka kuptim të debatojmë, ne bëjmë punën tonë. Ka një komision arbitras që vlerëson atë që bëjnë”, është shprehur Massimiliano Allegri pas ndeshjes ndaj Salernitanës.
Lexo gjithashtu
