Napoli pësoi humbjen e parë sezonale ndaj Liverpool në Champions League dhe tashmë kthehet në Serie A ku pret Atalantaën në “Stadio Maradona” ditën e nesërme në orën 18:00. Napoletanët do të kërkojnë të rikthehen te fitorja ndaj një rivali direkt si Atalanta për të nisur shkëputjen në garën për titull.
Kjo nuk do të jetë e lehtë për Napolin teksa ylli i ekipit, Kvicha Kvaratskhelia ka pësuar një dëmtim dhe do të mungojë nesër duke lënë një boshllëk të madh në krahun e majtë të sulmit. Spalleti duhet të llogarisë mungesën e “magjisë” së gjeorgjianit për të përgatitur kurthin anti-Atalanta.
Napoli mban vendin e parë me 32 pikë, 5 më shumë se Atalanta dhe 6 më shumë se Milani. Fitorja nesër do të largonte potencialisht një rival për titullin kampion të Serie A.
Lexo gjithashtu
