Gerti Shima është kthyer në kampionatin Shqiptar pas gjashtë vitesh mungesë, ku ka zgjedhur që të përfaqësojë fanellën e Tiranës në këtë sezon. Shima e sheh shumë lartë basketbollin e vendit tonë krahasuar me vendet e rajonit, ndërsa synon që të rikthehet te titulli kampion me bardheblutë.
Për Shimën i vetmi ekip që do të rivalizojë për titullin kampion me Tiranën do të jetë Vllaznia si skuadra kampione në fuqi. Ai beson se Tirana shumë shpejt do të kthehet në identitetin e saj të dikurshëm.
"Do të jetë fillim iri për basketbollin shqiptar dhe për ekipin e Tiranës. Do të jetë ashtu siç ishte kombëtarja para pak kohësh. Është momenti i duhur që të ndodhë diçka e bukur në basketboll. Edhe Hysenagolli edhe unë jemi rikthyer, s'ka më mirë se në shtëpinë tënde. Por, ana profesionale më parë linte për të dëshiruar. Projekti i Tiranës më ka bindur mua dhe Hysenagollin që të rikthehemi. Kampionati jonë është një nga më të fortët në rajon".
"Transferta në Ballkan League, po ta shohësh ndeshjen e fundit kundërshtari ishte ekip mjaft dinjitoz. Kundërshtari i Tiranës kishte buxhet më të lartë se ne, por treguam që dimë të paraqitemi mjaft mirë. Synimi im kryesor është që të fitojmë ndeshjet në Tiranë dhe të shpallemi kampionë. Kam gjashtë vjet që jam jashtë kampionatit, por Vllaznia do të jetë rivali jonë sepse është ekipi kampion".
Lexo gjithashtu
