Partizani po punon në minifazën përgatitore në Turqi për të qenë sa më të gatshëm për gjysmën e dytë të sezonit. Ekipi vijon punën në fushën, ndërsa drejtuesit vazhdojnë punën në merkato. Krahu i majtë i mbrojtjes është reparti që ka më shumë nevojë për përforcim dhe tashmë të kuqtë nuk po gjejnë ende akordin për lojtarin e kërkuar nga Gega. Hektor Idrizaj është i pari në listën e trajnerit, por nga ana tjetër drejtuesit e Kamzës nuk e lënë të lirë lojtarin pasi e shikojnë si pjesë të rëndësishme të skuadrës.
Kamzalinjt kërkojn të përfitojnë sa më shumë nga largimi i mbrojtësit dhe i kanë kërkuar Partizanit të paguajë për kartonin e tij ose shkëmbim lojtarësh mes tyre, në të kundërt Idrizaj qendron në Kamzës. Me mbërritjen nga Turqia drejtuesit do të nisin negociata për të afruar në skuadër mbrojtësin pasi Gega e deshiron me çdo kusht në skuadër.
Loading ...
