Presidenti i Partizanit, Gaz Demi, plasi bombën mbrëmjen e djeshme në një lidhje drejtpërdrejt me emisionin “Rubrika Sportive” në RTSH. Numri një i të kuqve i hapi sfidë direkte Tiranës duke kërkuar një përballje të fundit, derbin e pestë për titullin kampion.
Dëshira e tij mund të plotësohet në njëfarë mënyre. Kampionati është i mbyllur dhe “s’e luan topi” por një derbi të pestë mund të kemi në horizont. Gjithçka është në dorën e Tiranës, nëse bardheblutë fitojnë Kupën e Shqipërisë me Egnatian në finale, atëherë Superkupa do të jetë ndër më të zjarrtat në histori.
Derbi me aromë titulli e quajtëm të fundit në Superiore por ajo e mundshmja e Superkupës është 100% një derbi titulli, ku fituesi del me trofe nga stadiumi.
Nëse kjo do të ndodhë, a do t’ja dalë Tirana të marrë hak apo do të jetë Partizani ai që do të vulosë njëherë e mirë këtë çështje?
Lexo gjithashtu
