Bledar Devolli dhe Julian Ahmataj janë miq prej 20 vitesh. Kanë luajtur përkrah njëri tjetrit në shumë skuadra, kanë ndarë miqësinë e tyre prej vitesh dhe vijojnë sërish të jenë shok të ngushtë. Prej dy vitesh hoqën dorë nga futbolli i luajtur por nuk u larguan prej tij. Morën shumë shpejt liçensën e trajnerit, morën eksperiencat e para si drejtues apo ndihmës drejtues për të nisur tani një sezon të ri prej fillimit me ambicie të mëdha.
Për herë të parë do të jenë kundërshtarë jashtë fushe. Në lojë e kanë provuar të luajnë përballë njëri-tjetrit por në pankinë do të jetë ndryshe. Bledar Devolli ka marrë këtë verë drejtimin e Kamzës për ta rikthyer atë në Superiore. Pak ditë më parë Julian Ahmataj ka marrë drejtimin e Bylisit me të njëjtin objektiv. Kamza e Devollit luan në Grupin e Veriut ndërsa Bylisi i Ahmataj në Grupin e Jugut. Gjasat janë që dy miqtë të takohen si kundërshtarë në finalen e madhe, duke qenë se janë pretendentët kryesorë për tu ngjitur në Kategorinë Superiore vitin e ardhshëm.
Xhafa, Devolli, Ahmataj dhe Sakaj kur luanin te Flamurtari
Lexo gjithashtu
